كوكيز تحفة

موضوع: كوكيز تحفة الثلاثاء مارس 01, 2011 2:45 pm

الكمية تكفي: 6 أشخاص
وقت التحضير: 35 دقيقة
وقت الطهي: 20 دقيقة

المقادير:
تلات ارباع الكوب سكر
2كوب دقيق
بيضه
فانيليا
150 جرام زبده يعنى ازيد من تمن الكيلو بشويه صغيره
معلقه بيكنج بودر
جوز هند مسحوق شيكولاته فستدق حسب ماتحبى

التحضير:
هنخلط البيكنج بودر على الدقيق
نضرب الزبده مع السكر والبيضه لغايه ما يتكون خليط كريمى
بعد كده هنضيف الدقيق على الخليط ونعجنه كويس
بعد كده نقسم العجينه تلات اقسام
هناخد كره منهم ونعجنها مع 4 معالق جوز هند كبار او حسب ما تحبيه
والتانيه نعجنها مع فستدق مجروش حسب ما تشوفيه كافى
والتالته مع مسحوق الشيكولاته وبرضه على حسب ما تحبى لونها فاتح غامق زى ماانتى عاوزه
وبعد كده نلف كل واحده رول وندخلها التلاجه من نص ساعه الى ساعه
بعد ما تطلعيها من التلاجه سيبيها تطرى شويه عشان وانتى بتقطعيها بالسكينه مش تفرول منك
ولازم تقطعى بسرعه عشان تطلع معاكى مظبوطه ومش تفرول
الطبخ: هندخلهم فرن على حراره 180 على الرف الاوسط من عشر دقايق لربع ساعه حسب ماانتى عارفه فرنك اول ما تحمر من تحت تخرجيه من الفرن
خدى بالك انه بيكون طرى جداااااا اول ما بيخرج من الفرن ده مش معناه انه مش مستوى لالالالا بيكون استوى انتى بس سيبيه خمس دقايق كده وبعدين انقليه من الصاج
هتلاقيه بقى صلب وبقى تمام اوى

مرحبا بكم يا اعضاءنا

موضوع: رد: كوكيز تحفة الخميس مارس 03, 2011 3:56 pm

شكرا لكي