طريقة عمل البيتزا
* مقادير العجينة
. 4.5 كوب دقيق
. كوب لبن دافى
. 1/2 كوب زيت ذرة او دوار الشمس
. قطعة خميرة اكبر من حجم عين الجمل
. معلقتين سكر لتذويب الخميرة
. 1/2 كوب ماء دافى للخميرة
. رشة ملح
* مقادير الصلصة
. 1/2 كيلو طماطم مقطعة مكعبات صغيرة
. بصلة متوسطة
. 4 فصوص ثوم
. معلقتين صلصة
. توابل (ملح /فلفل/زعتر )
* مقادير الحشو
عموما الحشو زى ما تحبى
انا ضيفت التالى
. فلفل حلقات
. بصل جوانح(مشوح خفيف فى معلقة زيت ومتبل)
. زيتون حلقات
. لحم معصج
. تونة
. جبنة موتزريلا
الطريقة
* العجينة
. نخلط الدقيق والملح والماء المذاب فيه الخميرة وكوب اللبن بالتدريج
. ونعجنن كويس جدا
. ثم نضيف الزيت فى الاخر علشان نلم به العجين
. اول ما تفصل من ايدك وتلم من الطبق يبقى كده كفاية
. ممكن تحتاجى لشوية دقيق بسيط تلمى به العجين
. وتكونى ولعتى الفرن خمس دقايق قبل العجن وطفتيه
. بعد ما تخلصى غطى الطبق باستريتش وفوطة مطبخ
. دخلى الطبق فى الفرن المطفى وسبيه ساعة وبعدين بصى عليه
. هتخمر تقريبا فى حوالى ساعة ونصف
* الصلصة
. شوحى البصل والتوم لغاية الاصفرار
. ضيفى الصلصة وقلبى
. وبعدها ضيفى الطماطم المقطعة
. تبلى بالملح والفلفل والزعتر الكتير وسبيها تتسبك
* الحشو
. افردى العجينة بعد ما تخمر فى الصوانى وسبيها ترتاح شوية
. انا باحبها تبقى ارتفاعها وسط
. المقادير اللى عملتها عملت صنية كبيرة وصينية عادية
. افردى الصلصة على العجين كويس
. وكملى بقية المكونات (فلفل/تونة/زيتون/ بصل/جبنة)
. انا عملت واحدة بالتونة وواحدة بالمفروم
. تدخل الفرن على درجة حرارة 180
. حوالى 15 دقيقة او اكتر بس اتاكدى انها استوت من تحت