عندكوا حصص ايه النهاردة.؟ عندنا بريل و لوف و وسلك وجوانتى تيجى تحضرى معانا؟!
السلام عليكم يازهرات
انا متأكدة ان كلكوا مستغربين من العنوان وانا طبعا بحب اخلى العنوان غريب عشان تخشوا
انا امبارح انا وصحابى قررنا ننضف فصلنا وياريتنا ما قررنا
كل واحدة حاجت حاجة
جبنا سلك و جبنا لوف وجبنا بريل و جبنا جوانتى عشان ايدنا وبرضو اتوسخت
هههههههه
وجبنا حاجات كتير اوى
يالهوى اللى حصل انا حتى الان ضهرى مش حاسة بيه
خدنا الفسحة بتاعتنا و لقيت ميرفت صحبتى بتكنس
قلت لها هما البنات هيبدأوا امتى قالت لى بدأوا
رحت خدت سلك و هما كانوا حاطين البريل فى بخاخة عشان كنا بنرشه ع الدسكات
ما علينا
ارش وامسح بالسلك
يالهوى ع الكوريكشن اللى كان ع الدسكات و كان بيتعب اوى على ما يتشال
وكل واحدة ماسكة دسكها وتدعكـــــ
ههههههههههههههههه
المهــمـــ خلصنا الدسكات وخليناها بتبرق كدة وبتلمعــ
توجهنا الى البابــ
حلوة توجهنا دى
هههههههههههههه
وانا رحت ع السبورة ويالهوى ع اللى كان عليها
احنا اصلا عندنا 3 فى بعض
واحدة فى النص كبيرة للتباشير
وواحدة ع اليمين بقلم السبورة للــMATH
وواحدة تانية بيضا برضو بقلم السبورة
انا جبت دسك ووقفت عليها وهاتك يامسح وحتيط بريل وامسح يامعلم
و الستيكارز المعفن الى كان ع السبورة
هههههههه
احنا كنا معفنين للداجة دى؟!
عقبال ما خلصت الــ 3 سبورات وضهرى خلالالاص لقيتهم خلصوا الباب وشالوا الكلام اللى عليه كله مع انه كان بقلم السبورة وكان بخط تخين جدا بس الحمدلله شالوهــ
تعرفوا انا صحبتى لسا مكلمانى حالا اسمها مريم قالت لى هاتى معاكى مستر ماسل وينديكس عشان شباك الفصل
فعلا الشباك عليه تراب فظيع
ادعولى لبكرة
هههههههههه
المهم خلصنا الفصل من هنا
ونزلنا تحت من هنا
كل واحدة جابت لها كرتونة من بتوع الشيبسى دول من عند الكنتين
ولفينا ع الفصول كلها اى حد عنده زباله فى الفصل يجيبها ودلقنا يجى 6 كراتين حوالى مرتين شوفتوا العفانة
اه والله
هما الدادات دول كانوا بيعملوا ايه؟!
وبعد ما خلصنا يالهوى على ضهرنا اللى معتش ساندنا خلاص
كل واحدة بعتت جابت شيبسى وكانز عشان نرتاح بأه شوية
والله وكنا تعبانين موووووووت
وبكرة لسا هنكمل كلنا اه ماحنا ماصدقنا قمنا يبقى عمل كله مرة واحدة بدل ما نكسل
خصوصا اننا متحمسين جدا وكمان بنات الاعدادى والله بينزلوا فى الفسحة بالمقشات وبيكنسوا المدرسة و بيشيلوا الورق كله والاخصائية الاجتماعيهــ هى اللى بتشجعنا على كل دة والله انا بموت فيها مس هيام دىوالله لو انتي شايفة كده ماشي
شوفتوا رحلتى ياجماعهــ هههههههههههههههههههههههههه
رحله لازم كله يتعلم منها اه والله مش بهزر ، ليه منبدأش بالمدرسة
طب تعرفوا ان انا من كام يوم كنت نازلة درس لقيت فى الشارع شباب بنات وولاد لابسين كلهم بلاطى بيضا عليها شعار كدة او مكتوب عليه حاجة كدة
والله وبيلونوا الشوارع وكاتبين حاجات عليها جميلة عن مصر و بينضفوا الشارع و كاتبين اسم الجروب بتاعهم بتاع بأدينا تبقى جنة دة
والله خلوا الشوارع جميلة وانا بجد بقيت بفتخر انى مصريهــ
قولوا لى بأه انتوا كمان مقومتوش بأى نشاطات خالص فى الفصل دة طبعا للى بدأوا بس
ههههههههههههه
مستنياااكمــ
واوعوا تنسوا التقييم حسب التقدير ولو عجبناكوا انا وصحابى قيموا بجد
